ՏԵՍԱՆՅՈՒԹ. Կացնով տղամարդը Եվրո-2024-ի ֆուտբոլային հանդիպումից առաջ հարձակվել է երկրպագուների վրա

Ոստիկանները կրակել են կացնով տղամարդու վրա, որը սպառնում էր երկրպագուներին Եվրո-2024-ի ժամանակ։ Տեղեկատվությունը փոխանցում է sports.ru-ն:

Համբուրգում, որտեղ պետք է տեղի ունենա Լեհաստանի եւ Նիդեռլանդների հավաքականների հանդիպումը, կացնով տղամարդը հարձակվել է երկրպագուների վրա, գրում է Bild-ը: Ավելի ուշ ոստիկանությունը պարզաբանել է, որ տղամարդը սպառնացել է ոստիկաններին։

Ոստիկանները նրա դեմ  հրազեն են օգտագործել։ Ոստիկանը հայտնել է, որ առաջին կրակոցը նախազգուշական էր: Այնուհետև մի քանի կրակոց է հնչել, որից հետո տղամարդն ընկել է գետնին։ Նրա ուսապարկի մեջ Մոլոտովի կոկտեյլ են գտել։ Ոստիկանությունը ենթադրում է, որ տղամարդը ցանկացել է այն գցել երկրպագուների ամբոխի մեջ:

Տղամարդը վիրավորվել է, նրան տեղափոխել են հիվանդանոց, հայտնում է The New York Times-ի լրագրող Ռորի Սմիթը ։