ԵՎՐՈ-2024. Հունգարիա-Շվեյցարիա խաղն ավարտվեց հօգուտ Շվեյցարիայի

Եվրո-2024-ի խմբային փուլի առաջին տուրում Շվեյցարիայի հավաքականը 3:1 հաշվով հաղթեց Հունգարիայի թիմին:

Արդեն խաղի հենց սկզբում շվեյցարացիները բացեցին հաշիվը՝ Քվադվո Դուան վստահ իրացրեց իր հնարավորությունը։ Իսկ առաջին խաղակեսի վերջում Կարմիր խաչակիրները ամրապնդեցին իրենց առավելությունը. հեռվից կատարած հիանալի հարվածով աչքի ընկավ Միշել Էբիշերը: Ընդմիջումից հետո հունգարացիները Բարնաբաշ Վարգայի ջանքերով կարողացան կրճատել հաշիվը, բայց ավելին չստացվեց: Իսկ հանդիպման ավարտին Բրեել Էմբոլոն հանել է հաղթողի մասին բոլոր հարցերը։

Հետաքրքիր է, որ Հունգարիայի հավաքականի առաջատար Դոմինիկ Սոբոսլաին Եվրոպայի առաջնությունների նոր ռեկորդ է սահմանել: Կիսապաշտպանը դարձավ մրցաշարի պատմության ամենաերիտասարդ ավագը:

Ա խմբի երկրորդ տուրում Հունգարիան կմրցի Գերմանիայի հետ, իսկ Շվեյցարիան կմրցի Շոտլանդիայի հետ: Հիշեցնենք, որ երեկ այս քառյակի շրջանակներում Գերմանիան 5:1 հաշվով հաղթել էր Շոտլանդիային: