Մոտ 200 զբոսաշրջիկներ մնացել են ինքնաթիռի սրահում 50 աստիճանից ավելի ջերմաստիճանում․ Թուրքիա
Թուրքիայում մոտ 200 գերմանացի զբոսաշրջիկներ մնացել են ինքնաթիռի սրահում՝ 50 աստիճանից ավելի ջերմաստիճանի պայմաններում։ Այս մասին հայտնում է Bild-ը։
Պարբերականի տեղեկություններով՝ Mavi Gök Airlines ավիաընկերության Անթալիայից Մյունստեր չվերթը հունիսի 6-ին հետաձգվել է այն պատճառով, որ օդանավի օդորակիչը խափանվել է: Այսպիսով, 189 ուղևոր, այդ թվում ՝ երեխաներ, մնացել են ինքնաթիռի սրահում, որտեղ ջերմաստիճանը գերազանցել է 50 աստիճանը:
Դեպքը հունիսի 6-ին է տեղի ունեցել, սակայն դրա մասին հայտնի է դարձել միայն հիմա։
«Երբ մենք նստեցինք, անմիջապես նկատեցինք, որ ինքնաթիռում շոգ է։ Օդորակիչը խափանվել էր, և ինքնաթիռը գրեթե մեկ ժամ կանգնած է եղել շոգին։ Ջերմաչափը բարձրացել է ապշեցուցիչ 52 աստիճանի»,- ասել է ուղևորներից մեկը՝ Դոմինիկ Յանսենը։
Նրա խոսքով՝ սրահում ամենադժվարը եղել է փոքր երեխաների վիճակը:
«Երեխաներն ավելի ու ավելի բարձր էին լացում, բոլորը լաց էին լինում։ Իրավիճակը շատ վտանգավոր էր: Բոլորը մահու չափ վախեցել էին իրենց երեխաների համար, բոլորը խուճապի մեջ էին»,- հավելել է նա։
Ուղևորներից մեկը՝ թուրքալեզու բժիշկը, դիմել է անձնակազմին՝ ասելով, որ երեխաներին իրական վտանգ է սպառնում, եթե օդորակիչը չաշխատի։ Օդաչուն սկզբում շարժվել է դեպի թռիչքուղի, բայց հետո որոշել է շրջվել և վերադառնալօդանավակայանի տերմինալ:
Արդյունքում ուղևորները կարողացել են օդ բարձրանալ միայն չորս ժամ անց։
