ՏԵՍԱՆՅՈՒԹ․ Վրաստանում արտակարգ տարհանվել են աշխատակիցներ․ իրավիճակը՝ Վերին Լարսում
Վրաստանում արտակարգ տարհանել են վրաց-ռուսական սահմանին գտնվող «Դարյալ» «Դարյալ» առևտրաարդյունաբերական պալատի բոլոր աշխատակիցներին, հայտնում է Վրաստանի ՆԳՆ-ն: Փոխանցում է Սպուտնիկ Գրուզիան։
Նշվում է, որ վաղ առավոտյան դետեկտորները Դևդորակի գետում ջրի մակարդակի բարձրացում են արձանագրել: Այս տեղեկությունը ստուգելուն զուգահեռ որոշվել է տարհանել ԱԱՊ աշխատակիցներին։
Տարածքը զննելու համար արդեն օդ է բարձրացել սահմանապահ ոստիկանության ուղղաթիռը՝ պատասխանատու ծառայությունների աշխատակիցներով։ Ընդ որում, պրոֆիլակտիկայի նպատակով փակել են Գվելեթի գյուղի մոտ գտնվող ավտոմայրուղին երկու ուղղություններով։
Հիշեցնենք՝ Վրաստանից Ռուսաստան և հակառակ ուղղությամբ ճանապարհը այսօրվանից փակվել է բոլոր տեսակի տրանսպորտային միջոցների համար: Մցխեթա-Ստեփանծմինդա-Լարս միջազգային նշանակության ավտոմոբիլային ճանապարհի Գուդաուրի-Կոբի հատվածում երթեւեկությունն արգելված է ձնահոսքի պատճառով:
Այս պահին շուրջ 300 հայկական բեռնատարներ «Վերին Լարս» անցակետով պարապուրդի են մատնված ՌԴ ուղղությամբ, ևս 300-ը ռուսական կողմում են՝ դեպի Հայաստան:
