ՏԵՍԱՆՅՈՒԹ. Ոսկե ձեռնոց մրցաշարում Ալավերդին չեմպիոն և փոխչեմպիոն է տվել. Արեն Մկրտչյանն աղետի գոտում է

ԱԺ «Քաղաքացիական պայմանագիր» խմբակցության անդամ Արեն Մկրտչյանը ֆեյսբուքյան էջում տեսանյութ է հրապարակել ու գրել.

«Բռնցքամարտի Հայաստանի Ոսկե ձեռնոց մրցաշարում Ալավերդին երեկ չեմպիոն և փոխչեմպիոն է տվել։

Խորհրդանշական է, որ չեմպիոնը` Նաիրին, և փոխչեմպիոնը` Արենը, Սանահին կայարան թաղամասի արգելափակված հատվածից են։

Շնորհավորում եմ տղաներին և շնորհակալություն հայտնում մարզչին»:

Հիշեցնենք՝ մայիսի 26-ին տեղացած հորդառատ անձրևների հետևանքով Լոռու և Տավուշի մարզերում հեղեղումներ են եղել, Դեբետ, Աղստև և Տաշիր գետերը դուրս են եկել իրենց հունից՝ էական վնասներ պատճառելով կարևոր ենթակառուցվածքների, բնակելի տների: Փլուզվել են ճանապարհներ և կամուրջներ: Հեղեղումների հետևանքով զոհվել է չորս մարդ: Կառավարությունն աղետի գոտի է հայտարարել հեղեղումներից տուժած բնակավայրերը: