ՏԵՍԱՆՅՈՒԹ. «Առողջ ապրելակերպ և հեծանվայի կուլտուրա». Նիկոլ Փաշինյան

Վարչապետ Նիկոլ Փաշինյանը ֆեյսբուքում տեսանյութ է հրապարակել կից գրառել.

«Հեծանվորդի օրվա առիթով»:

Վարչապետը հեծանիվը վարելիս մասնավորապես նշել է, որ հեծանիվը ոչ միայն առողջ ապրելակերպի մասին է, այլև «էկո-ֆրենդլի» տրանսպորտային միջոց է, որը նաև մտածելու ազատություն է տալիս:

«Ի տաբերություն ավտոմեքենայի, որի ապակիներով երբեմն, զրահապատ, կտրված ենք բնությունից, նաեւ բնության հետ հաղորդակցվելու հնարավորություն է տալիս: Ես ընդհանրապես, մեկումեջ քշում եմ հեծանիվ, բայց էսօրվա հրապարակային հեծանվաերթի նպատակը մեր բոլորի ուշադրություն հրավիրելն է առողջ ապրելակերպի` հեծանվային կուլտուրային: Վերջերս որ Կոպենհագենում էինք, բառիս բուն իմաստով հեծանվային խցանման ականատես էինք դառնում, տեսարանը շատ ոգեշնչող էր եւ գեղեցիկ»,-ասաց նա:

Հիշեցնենք որ, այսօր՝ հունիսի 2-ին,Հեծանիվի միջազգային օրվա կապակցությամբ Երևանում անցկացվեց հեծանվաշքերթ և հեծանվասպորտի սիրողական մրցաշար: Քաղաքապետարանից հայտնում են, որ այն կազմակերպվել էր Երևանի քաղաքապետարանի և ՀՀ-ում Թուրքմենստանի դեսպանատան հետ համատեղ:

Մրցաշարին մասնակցում էր մոտ 300 հեծանվորդ: