Որքան գումար է ծախսել ՀՀ ԱԳՆ-ն 2023 թվականին
ՀՀ արտաքին գործերի նախարարությունը 2023թ. ծախսել է պետբյուջեից հատկացված 25 մլրդ 57 մլն դրամ։ Այս մասին Ազգային ժողովում, խորհրդարանական մշտական հանձնաժողովների համատեղ նիստում, 2023թ. պետական բյուջեի կատարողականի իրականացման մասին հաշվետվության քննարկման ժամանակ հայտնել է ֆինանսների փոխնախարար Վահան Սիրունյանը։
Հաղորդվում է, որ միջոցները տրամադրվել են 6 ծրագրերի իրականացման համար՝ 15 միջոցառումներով։ Փաստացի կատարողականը կազմել է 99,8 տոկոս։
Ծախսերի աճը, 2022թ. համեմատ, պայմանավորված էր աշխատանքային հարթակի ապահովմամբ դիվանագիտական ներկայացուցչությունների աշխատակիցների համար, որոնք գտնվում են աշխարհի տարբեր երկրներում։ Միջոցների մի մասը, օրինակ, տրամադրվել է նոր շենքերի ձեռքբերմանը՝ որպես դեսպանություններ։
