Մանասյանը հայտնել է, որ Սրբազանի հետ չհանդիպելու հրահանգ չի եղել
«Հավաքի ժամանակ մի քանի հարցադրումներ հնչեցին, որոնց վերաբերյալ հրապարակային հանդես կգանք»: Այս մասին լրագրողների հետ զրույցում ասել է Մարդու իրավունքների պաշտպան Անահիտ Մանասյանը՝ ամփոփ անդրադառնալով Բագրատ Սրբազանի ներկայացրած պահանջներին։
Հարցին՝ իսկ ինչո՞ւ հրաժարվեցիք լրատվամիջոցների ներկայությամբ հանդիպել Սրբազանի հետ, Անահիտ Մանասյանը պատասխանել է․ «ՄԻՊ-ը քաղաքացիների հետ ընդունելության հստակ մեթոդաբանություն ունի, նրանց հետ չենք ունենում որևէ քննարկում, որը վարում ենք այլոց ներկայությամբ»։
Անահիտ Մանասյանը վստահեցրել է, որ Սրբազանի հետ չհանդիպելու հրահանգ չի եղել, հիմա էլ պատրաստ է հանդիպել, սակայն իրենց ձևաչափով։
