Էրդողանը՝ Բաքվի և Երևանի միջև խաղաղության պայմանագրի շուտափույթ ստորագրման մասին
Անկարան ողջունում է Բաքվի և Երևանի միջև բանակցություններում առաջընթացը և ակնկալում է խաղաղության պայմանագրի շուտափույթ ստորագրում։ Այս մասին նշվել է Թուրքիայի նախագահ Ռեջեփ Թայիփ Էրդողանի՝ Բաքվի էներգետիկ շաբաթվա բացման արարողության մասնակիցներին հղած ուղերձում, որն ընթերցել է երկրի էներգետիկայի եւ բնական պաշարների նախարար Ալփարսլան Բայրաքթարը։
«Թուրքիան պատրաստ է ցանկացած աջակցություն ցուցաբերել Ադրբեջանին այդ միջոցառման անցկացման հարցում»,- ասված է ուղերձում։
Էրդողանի ուղերձում նաև նշվում է, որ Անկարայի և Բաքվի համագործակցությունը էներգետիկ ոլորտում օգուտ կբերի ամբողջ տարածաշրջանին։ Նա ընդգծել է, որ երկու երկրների կապերն ամուր են բոլոր ոլորտներում:
