Սահմանին անվտանգության իրավիճակը խիստ մտահոգիչ է․ ՀԱՊԿ գլխավոր քարտուղար
Արևելյան Եվրոպայի սահմանին անվտանգության իրավիճակը խիստ մտահոգիչ է: Այս մասին հայտարարել է Հավաքական անվտանգության պայմանագրի կազմակերպության (ՀԱՊԿ) գլխավոր քարտուղար Իմանգալի Տասմագամբետովը կազմակերպության Խորհրդարանական վեհաժողովի խորհրդի նիստում։
«Աշխարհում ռազմաքաղաքական իրավիճակը շարունակում է խորը վերափոխման ենթարկվել։ Հակամարտության ներուժն աճում է ՀԱՊԿ-ի պատասխանատվության գոտուն անմիջականորեն հարող մի շարք տարածաշրջաններում»,- ասել է կազմակերպության գլխավոր քարտուղարը։
Նրա խոսքով՝ ներքաղաքական գործընթացները Մերձավոր Արևելքում, մասնավորապես՝ Աֆղանստանում, շարունակում են բարդ մնալ։ Տասմագամբետովը հավելել է․ «Հարավային Կովկասում նույնպես շոշափելի ռիսկեր են մնում»։
