ՔԿ-ն՝ Սևանում անհետ կորած կոմպոզիտորի դին գտնելու մասին
Սևանում որոնվող 25-ամյա կոմպոզիտոր Անահիտ Հակոբի Մնացականյանի դին այսօր գտնվել է՝ ջրահեղձ եղած վիճակում: Այս մասին 1lurer.am-ին փոխանցել է Քննչական կոմիտեի նախագահի մամուլի քարտուղար Գոռ Աբրահամյանը։
«Ավելի վաղ անհետ կորելու կապակցությամբ նախաձեռնվել էր քրեական վարույթ՝ ՀՀ քրեական օրենսգրքի 155-րդ հոդվածի (սպանություն) 1-ին մասի հատկանիշներով: Այժմ քննություն է ընթանում»,- լրատվամիջոցին ասել է Գոռ Աբրահամյանը։
Հիշեցնենք, որ Անահիտ Մնացականյանը որոնվում էր հունիսի 1-ից:
