Ժոզե Մոուրինյոն գլխավորել է թուրքական «Ֆեներբահչեն»
«Ռոմայի» նախկին գլխավոր մարզիչ Ժոզե Մոուրինյոն մարզչական գործունեությունը կշարունակի Թուրքիայի առաջնությունում: Պորտուգալացի մասնագետը պաշտոնապես նշանակվել է «Ֆեներբահչեում»:
Այս մասին հայտնում է ստամբուլյան ակումբի մամուլի ծառայությունը։ Պաշտոնապես համաձայնագրի ժամկետները չեն հրապարակվում, սակայն ԶԼՄ-ները հայտնում են, որ կողմերը ստորագրություններ են դրել պայմանագրի տակ առաջիկա երկու տարվա համար:
«Բարի գալուստ, յուրահատուկ», - ասված է ակումբի՝ սոցցանցերում տարածած ողջույնի հաղորդագրության մեջ:
Հիշեցնենք, որ Մոուրինյոն 61 տարեկան է։ Ավելի վաղ նա լքել էր «Ռոմայի» գլխավոր մարզչի պաշտոնը, որտեղ աշխատում էր 2021 թվականից: Հռոմեացիները նրա գլխավորությամբ հաղթեցին կոնֆերենցիաների լիգայի դեբյուտային խաղարկությունում, ինչպես նաև հասան Եվրոպա լիգայի եզրափակիչ ։
«Ֆեներբահչեն» Թուրքիայի առաջնության նախորդ մրցաշրջանում զբաղեցրել է երկրորդ տեղը։ Նա երկրի չեմպիոն դարձած «Գալաթասարայից» հետ է մնացել 3 միավոր։
