Բրիտանական ոստիկանությունը 53 մարդու Է ձերբակալել Լոնդոնի «Ուեմբլի» մարզադաշտի տարածքում, որտեղ տեղի էր ունենում ֆուտբոլի Չեմպիոնների լիգայի եզրափակիչը: Այս մասին հայտնում է Ոստիկանության մամուլի ծառայությունը X սոցիալական ցանցում:

Նշվում է, որ հինգ ձերբակալվածներ մուտք են գործել դաշտ, իսկ մյուսները փորձել են «խախտել անվտանգության միջոցառումները»: Իրավապահները նաեւ կանխել են կեղծ տոմսերով տրիբունաներ անցնելու փորձերը։

Հունիսի 1-ին «Ռեալը» հաղթեց Չեմպիոնների լիգայի 2023/2024 մրցաշրջանի եզրափակչում: Դորտմունդի «Բորուսիայի» դեմ հանդիպումը կայացել Է Լոնդոնի «Ուեմբլի» մարզադաշտում և ավարտվել 2:0 հաշվով:

Գոլերի հեղինակ դարձան Դանիել Կարվախալը (74-րդ րոպե) եւ Վինիսիուս Ժունիորը (83-րդ րոպե): Հանդիպումն ընդհատվել է առաջին րոպեին խաղադաշտ դուրս եկած երկրպագուների պատճառով։