Հայ շախմատիստները Հնդկաստանում կմասնակցեն աշխարհի առաջնությանը
Հայաստանի Շախմատի ֆեդերացիայից հայտնում են, որ հունիսի 2-ից 13-ը Հնդկաստանի Գանդինագար քաղաքում կանցկացվի 2024 թվականի շախմատի աշխարհի մինչև 20 տարեկան պատանիների և աղջիկների առաջնությունը:
Հայաստանից մասնակցում են Մամիկոն Ղարիբյանը, Էմին Օհանյանը, Արսեն Դավթյանը, Մարիամ Մկրտչյանը և Միլենա Գասպարյանը:
Առաջնության առաջին խաղափուլը կմեկնարկի հունիսի 2-ին՝ Հայաստանի ժամանակով ժամը 13:30-ին:
