Կնշանակի ՀԱՊԿ-ի դիրքերի թուլացում․ Գրիզլովը՝ Հայաստանի մասնակցության սառեցման մասին
ՀԱՊԿ-ին Հայաստանի մասնակցության սառեցումը լրջորեն չի խաթարի կազմակերպության աշխատանքը, բայց կնշանակի դրա դիրքերի թուլացում Հարավային Կովկասում։ Այս մասին ասել է Բելառուսում ՌԴ դեսպան Բորիս Գրիզլովը։
«Կազմակերպությունում ստեղծված են գործուն մեխանիզմներ, որոնք թույլ են տալիս քննարկել և հանգուցալուծումներ գտնել ամենատարբեր հարցերի շուրջ, նույնիսկ եթե առաջին հայացքից դրանք դժվար լուծելի են թվում։
Գլխավոր հարցն այն է, թե այս պայմաններում ինչպես կկառուցվի Հայաստանի քաղաքականությունը»,-ասել է նա։
Նրա խոքով՝ Վաշինգտոնն ու Բրյուսելը ձգտում են տարածաշրջանի երկրներին ներքաշել աշխարհաքաղաքական արկածախնդրությունների մեջ։
«Արդյոք դա Հայաստանին անվտանգություն կբերի` հռետորական հարց է»,-ասել է նա:
