Զախարովան մեկնաբանել է Հայաստանում տիրող իրավիճակը

Ցուցարարների դժգոհությունը, ի թիվս այլ բաների, պայմանավորված է նրանով, որ, նրանց կարծիքով, սահմանազատումը լիովին արդարացի չէ։ Այս մասին ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ անդրադառնալով Հայաստանում տիրող իրավիճակին։

Միաժամանակ Զախարովան Հայաստանում քաղաքական գործընթացներն անվանել է երկրի ներքին գործը։

«Մեր կողմից մենք միտված ենք հայ ժողովրդի հետ հին ու բարեկամական կապերի խորացման, ինչպես այսօր արդեն ասացի` պատրաստ ենք անմիջապես օգնել բարեկամ երկրին, որը ծանր վիճակի մեջ է հայտնվել։ Այն ուղարկվում է անմիջապես, հենց որ հարևան պետությունը դժվարության մեջ է»,-ասել է նա: