Մհեր Գրիգորյանը երեկ շփումներ է ունեցել ռուս գործընկերների հետ. Նիկոլ Փաշինյան
Կառավարության նիստում վարչապետ Նիկոլ Փաշինյանը հայտարարեց, որ ՀՀ փոխվարչապետ Մհեր Գրիգորյանը երեկ Մոսկվայում շփումներ է ունեցել ռուսաստանցի գործընկերների հետ։
«Ռուս գործընկերները հավաստիացրել են, որ հնարավորինս ամենասեղմ ժամկետներում երկաթուղին կվերականգնվի»,- տեղեկացրեց Նիկոլ Փաշինյանը և հացելեց․ «Սա, կարծում եմ, շատ կարևոր է»։
Նշենք, որ հեղեղումների հետևանքով Լոռու երկաթուղային գծերը վնասվել են 8 տեղերում՝ մինչև 2 կիլոմետր ընդհանուր երկայնքով։ Հեղեղվել են 4 էլեկտրակայաններ և կայանների էլեկտրական կենտրոնացման սարքավորումներ, վնասվել են 3 ինժեներական կառույցներ, ինչպես նաև՝ տարբեր լարման էլեկտրահաղորդման գծեր:
