Ամիրբեկովը՝ Ադրբեջանի և Հայաստանի միջև խաղաղության մասին
Ադրբեջանը և Հայաստանը մոտ են խաղաղությանը, «հուսով ենք՝ ամենամոտ ժամանակում կլուծվեն մնացած հարցերը»։ Այս մասին այսօր ասել է Ադրբեջանի նախագահի հատուկ հանձնարարություններով ներկայացուցիչ Էլչին Ամիրբեկովը՝ ելույթ ունենալով Բաքվում անցկացվող ականազերծման թեմայով համաժողվում։
Էլչին Ամիրբեկովը նաև ասել է, որ «Ղարաբաղում յուրաքանչյուր ենթակառուցվածք զրոյից է կառուցվել», այդ տարածքների վերականգնման շինարարական աշխատանքներում 7 միլիարդ դոլար է ներդրվել։
Հիշեցնենք՝ 2023 թվականի սեպտեմբերի 19-20-ը Լեռնային Ղարաբաղում Ադրբեջանի իրականացրած ռազմական ագրեսիայի հետևանքով Արցախը հայաթափվեց, 105 հազար արցախահայեր ապաստանեցին Հայաստանում:
