Այսօր՝ ժամը 16։00-ի սահմանում, մոտ 10 րոպե ուժեղ կարկուտ է տեղացել Արմավիրի մարզի մի շարք համայնքներում։ Լուրջ վնաս են կրել նաև Խոյ համայնքի Աղավնատուն, Արագած, Դողս, Ամբերդ, Լեռնամերձ գյուղերի բանջարաբոստանային ցանքատարածությունները, պտղատու և խաղողի այգիները։

Հայտնում է Հետք-ը: 

Կարկտաբեր ամպերն այնքան հզոր էին, որ հակակարկտային կայաններն ի զորու չեն եղել ցրել դրանք։

Նշենք, որ այս տարի արդեն մի քանի անգամ կարկուտը վնաս է պատճառել Արմավիրի մարզի գյուղացիական տնտեսություններին։ Կարկուտից վնասներ են կրել նաև Արմավիր, Բաղրամյան, Մեծամոր համայնքի գյուղերը։