ՏԵՍԱՆՅՈՒԹ. «Ապոլոն-8» առաքելության տիեզերագնացը զոհվել է թեթեւ շարժիչով ինքնաթիռի վթարից
«Ապոլոն-8» առաքելության տիեզերագնացը զոհվել է թեթեւ շարժիչով ինքնաթիռի վթարից:
Ամերիկացի տիեզերագնաց Ուիլյամ Անդերսը, որը «Ապոլոն-8» տիեզերանավով պտտվել է Լուսնի շուրջը եւ տիեզերքում ամենահայտնի լուսանկարներից մեկն արել, զոհվել է թեթեւ շարժիչով ինքնաթիռի վթարից: Պաշտոնական տեղեկատվության համաձայն ՝ նրա ինքնաթիռը ջուրն է ընկել Սիեթլից հյուսիս ՝ Վաշինգտոն նահանգում։
Տեսանյութում, որոնք, ենթադրաբար, ֆիքսել են կործանումը, երևում է, որ վերջին վայրկյանին օդաչուն փորձում է խուսափել բախումից, այնուհետև ինքնաթիռը բախվում է ջրին, բռնկվում և մասերի բաժանվում: Տիեզերագնացը 90 տարեկան էր:
Իսկ տիեզերքում արված հայտնի լուսանկարն արվել է Սուրբ Ծննդյան նախօրեին։ Այն պատկերում է երկիրը, որը բարձրանում է լուսնի անկենդան մակերեսի հորիզոնից վեր: Ավելի ուշ Անդերսը լուսանկարն անվանեց տիեզերական ծրագրում իր ամենակարևոր ներդրումը:
