ՌԴ ՊՆ-ն հայտնել է՝ քանի զինծառայող է կորցրել Ուկրաինան մեկ օրվա ընթացքում
Ուկրաինայի Զինված ուժերի ընդհանուր կորուստները հատուկ ռազմական գործողության բոլոր ուղղություններում մեկ օրվա ընթացքում գերազանցել են 1 700-ը: Այս մասին հայտնել է ՌԴ պաշտպանության նախարարության պաշտոնական ներկայացուցիչ գեներալ-լեյտենանտ Իգոր Կոնաշենկովը:
Ըստ ՌԴ ՊՆ տեղեկագրի՝ հյուսիսային ուղղությամբ գործող ռուսական ստորաբաժանման պատասխանատվության գոտում ուկրաինական զորքերը կորցրել են մինչև 365 զինծառայող, արևմտյան ուղղությունում՝ մինչև 320, հարավային ուղղությունում՝ 490-ից ավելի, կենտրոնականում՝ մինչև 405, արևելյան ուղղությամբ գործող ռուսական ստորաբաժանման պատասխանատվության գոտում՝ մինչև 120, «Դնեպր» ստորաբաժանման պատասխանատվության գոտում՝ մինչև 40։
