Վրաստանը պատասխանել է ԱՄՆ-ի սպառնալիքներին
Վրաստանի վարչապետ Իրակլի Կոբախիձեն հակաարդյունավետ է անվանել օտարերկրյա գործակալների մասին օրենքի ընդունման պատճառով հարաբերությունների վերանայման եւ հնարավոր պատժամիջոցների մասին Միացյալ Նահանգների սպառնալիքները: Նրա խոսքերը մեջբերում է պորտալը Newsgeorgia.ge-ն։
Նա ընդգծել է, որ եթե Վաշինգտոնը ցանկանում է բարելավել երկկողմ հարաբերությունները, ապա Վրաստանի հասցեին սպառնալիքները «անլուրջ են եւ անարդյունավետ»:
«Մենք չենք ցանկանում, որ ԱՄՆ-ի հեղինակությունը փչանա։ Մեր կոչն է ԱՄՆ-ին՝ մտածել գործընկերության մասին և չդիմել հակաարդյունավետ քայլերի։ Առաջին հերթին դա կվնասի հենց նրանց։ Դա ոչ մի վնաս չի հասցնի մեր քաղաքական թիմին, մեր աջակցությունը միայն կամրապնդվի։ Այդ պատճառով ևս մեկ անգամ կոչ եմ անում բոլորին լինել պրագմատիկ», - հայտարարել է Կոբախիձեն։
Ավելի վաղ Սպիտակ տան մամուլի քարտուղար Կարին Ժան Պիերը հայտարարել էր, որ Վաշինգտոնը հիմնովին կվերանայի հարաբերությունները Վրաստանի հետ, եթե Թբիլիսին օրենք ընդունի օտարերկրյա գործակալների մասին:
Մինչ այդ ԱՄՆ պետքարտուղարի Եվրոպայի և Եվրասիայի հարցերով օգնական Ջեյմս Օ'Բրայենը հայտարարել էր, որ ԱՄՆ-ն անհատական պատժամիջոցներ կսահմանի Վրաստանի ղեկավարության նկատմամբ, եթե երկրում խաթարվի ժողովրդավարությունը:
