ՏԵՍԱՆՅՈՒԹ․ Հրթիռային հարձակում՝ Դոնեցկի վրա․ կան զոհեր և վիրավորներ
Երեք խաղաղ բնակիչ է զոհվել, ևս ութը, այդ թվում՝ մեկ երեխա, վիրավորվել են Դոնեցկի ուղղությամբ ուկրաինացի զինյալների հարվածի հետևանքով: Այս մասին հայտնել Է ԴԺՀ ղեկավար Դենիս Պուշիլինը։ Տեղեկությունը փոխանցում է ՌԻԱ նովոստին։
Նա նշել է, որ HIMARS հրթիռի ուղիղ հարվածն արձանագրվել է քաղաքի Կիրովի շրջանում։ Հարվածի տակ է հայտնվել սրճարանը։
«Ուկրաինացի ահաբեկիչները մեր հանրապետության հոբելյանի օրը ցինիկաբար գնդակոծել են Դոնեցկը։ Արդյունքում զոհվել է երեք քաղաքացիական անձ՝ մի կին (սրճարանի աշխատակից) և երկու տղամարդ (այցելուներ)», - գրել է նա։
Բացի այդ, վնասվածքներ են ստացել 12-ամյա մի աղջիկ, չորս տղամարդ և երեք կին: Նրանց հետազոտում են բժիշկները, նախնական վիճակը գնահատվում է թեթև և միջին ծանրության։
«Ամերիկյան HIMARS հրթիռներից մեկն ընկել է անմիջապես սրճաարանի վրա (վնասվել են արտաքին պատը, շենքի ամբողջ պարագծի ապակեպատումը, փողոցային կառույցները), երկրորդը՝ կողքի կիսակառույցում (վնասվել է տանիքը)», – մանրամասնել Է Պուշիլինը:
Այսօր առավոտյան պաշտպանության նախարարությունը հայտնել է, որ հակաօդային պաշտպանության ուժերը ոչնչացրել են RM-70 Vampire համազարկային կրակի համակարգի 21 ռեակտիվ արկ և ինը ԱԹՍ Բելգորոդի շրջանի տարածքում, յոթ անօդաչու թռչող սարքեր որսվել և ոչնչացվել են Կուրսկի և Վոլգոգրադի շրջանների տարածքներում:
Օրվա ընթացքում զինյալները մի քանի անգամ անօդաչու թռչող սարքերի օգնությամբ գրոհել են քաղաքացիական մեքենաները։ Արդյունքում կա մեկ զոհ և վիրավորներ։
