Ծառուկյանը ասել է, թե ինչքան է վաստակել Օլիվեյրայի հետ մենամարտից հետո
Թեթև քաշային կարգում UFC-ի վարկանիշային աղյուսակի առաջին համար Արման Ծառուկյանը UFC 300 մրցաշարից հետո խոսել է իր հոնորարի մասին:
Մենամարտից առաջ ամերիկյան մամուլը գրել էր, որ Արման Ծառուկյանի մաքուր հոնորարը կկազմի 164 հազար դոլար։
РБК-ի հարցին` արդյոք ճիշտ է, որ Օլիվեյրայի հետ մենամարտի համար 164 հազար դոլար է վաստակել, Ծառուկյանը պատասխանել է. «Դա ճիշտ չէ։ Գրեթե կրկնակի ավելին»:
Ճշտող հարցին` ավելի քան 300 հազար դոլա՞ր, պատասխանել է. «Ստացվում է ՝ այո։ Փողը կգա, կտեսնենք»:
Ծառուկյանը նաև նշել է. «Ոչ ոք ճշմարտությունը չի գրում: Ոչ ոք չգիտի, թե ով որքան է վաստակում: Նախավերջին մենամարտում ես ավելի շատ վաստակեցի, քան հիմա։ Պայմանագրում կան նաև տարբեր կետեր՝ ժամկետից շուտ է ավարտել մարտը, թե ժամկետից ուշ»:
Կիրակի գիշերը կայացած UFC 300 մրցաշարում Արման Ծառուկյանը մրցավարների առանձին որոշմամբ հաղթել է UFC-ի մինչև 70 կգ քաշային նախկին չեմպիոն Չարլզ Օլիվեյրային:
