Հայտնի է՝ երբ կարող է լինել Իսրայելի պատասխանը Իրանի հարձակմանը․ WSJ

Իսրայելը կարող է պատասխանել Իրանի հարձակմանը արդեն երկուշաբթի, այսինքն այսօր՝ ապրիլի 15-ին: Այս մասն գրում է Wall Street Journal թերթը՝ վկայակոչելով ԱՄՆ-ի և արևմտյան այլ երկրների պաշտոնյաներին։ 

«ԱՄՆ - ն և արևմտյան պաշտոնյաներն ակնկալում են, որ Իսրայելն արագ կպատասխանի իրանական հարձակումներին, հնարավոր է ՝ արդեն երկուշաբթի», - գրում է թերթը:

Թերթը կոնկրետ պաշտոնյաների անուններ չի տալիս, սակայն մեջբերում Է ԱՄՆ նախագահ Ջո Բայդենի աշխատակազմի բարձրաստիճան անդամի խոսքերն այն մասին, որ Իսրայելի վարչապետ Բենյամին Նեթանյահուի հետ զրույցի ընթացքում ամերիկացի առաջնորդը փորձել է Իսրայելին հետ պահել Իրանի հարձակմանը հապճեպ արձագանքելուց:

«Կարծում եմ, որ նախագահը քննարկում է անցկացրել այն մասին, որ իրադարձությունների ընթացքը դանդաղեցնելու համար ամեն ինչ մտածել՝ հաշվի առնելով այն, ինչի միջով մենք ստիպված ենք եղել անցնել», - թերթը մեջբերում է պաշտոնյայի խոսքը: