«Իսլամական պետությունը» սպառնացել է, որ ահաբեկչություններ կիրականացնի Չեմպիոնների լիգայի քառորդ եզրափակիչների ֆուտբոլային հանդիպումների ժամանակ: Այս մասին հայտնում են իսպանական Marca և Onda Cero թերթերը։

ԶԼՄ-ների տեղեկություններով՝ ահաբեկչական խմբավորմանը պատկանող «Ալ-Ազաիմ» Մեդիա կենտրոնը սպառնալիքներով պաստառ է տեղադրել, որտեղ թվարկված է չորս մարզադաշտ՝ անգլիական «Էմիրեյթս», Փարիզի «Պարկ դե Պրենս», իսպանական «Մետրոպոլիտանո Արենա» և Սանտիագո Բեռնաբեու. պաստառի վրա գրված է «սպանել բոլորին»: Նշվում է, որ Իսպանիայում ընթացող երկու հանդիպումներն էլ անցկացվում են ըստ խաղացանկի։

1/4 եզրափակչի հանդիպումներից մեկն արդեն կայացել է երեքշաբթի, իսկ այսօր սպասվում են հերթական 2 հանդիպումները: Ապրիլի 10-ին Իսպանիայի մայրաքաղաքում «Աթլետիկոն» կմրցի «Բորուսիայի» հետ, իսկ «Բարսելոնան» Փարիզում կմրցի ՊՍԺ-ի հետ:

Մարտի 22-ի երեկոյան ահաբեկչություն է տեղի ունեցել մերձմոսկովյան «Կրոկուս Սիթի Հոլում»։ Հարձակման զոհ է դարձել 144 մարդ, ևս 500-ից ավելին տուժել են։ Հարձակման պատասխանատվությունը ստանձնել է «Իսլամական պետության» ստորաբաժանումներից մեկը:

Հիշեցնենք՝ ապրիլի 10-ի տեղի կունենա «Աթլետիկո Մադրիդ» (Իսպանիա) - «Բորուսիա Դորտմունդ» (Գերմանիա)՝ 23:00 (Երեւանի ժամանակով), ՊՍԺ (Ֆրանսիա) - «Բարսելոնա» (Իսպանիա)` 23:00 խաղերը։