Ֆուտբոլային ակումբը թալիսմանին հեռացրել է աշխատանքից երկրպագուների հետ սիրախաղի համար

Անգլիական «Քուինս Պարկ Ռեյնջերս» ֆուտբոլային ակումբը, որը հանդես է գալիս Չեմպիոնշիփում, աշխատանքից ազատել է իր թալիսմանին երկրպագուների հետ սիրախաղի համար, հայտնում է The Sun-ը։

Հրատարակության տվյալներով՝ տղամարդը, ով աշխատում էր սև կատվի Ջուդի հագուստով, պարել է ակումբի երկրպագուների հետ և խնդրել նրանց հեռախոսահամարը։ Հաղորդվում է, որ աշխատակիցը պարբերաբար նախազգուշացումներ է ստացել՝ խնդրելով կենտրոնանալ աշխատանքի վրա և դադարեցնել շփվել երկրպագուների հետ։

«Ակումբում բոլորը սիրում էին Ջուդին: Ոմանք դժգոհում էին, որ նա ավելի շատ զբաղվում է տիկնանց հետ, քան տղաներին խրախուսում խաղադաշտում: Նա միշտ պարում էր նրանց հետ, իսկ հետո փորձում էր ստիպել նրանց, որ իրեն տան իրենց համարը: Ջուդիին զգուշացրել էին, բայց նա շարունակում էր նույն ոճով իրեն պահել, իսկ ակումբն այլընտրանք չուներ»,- հրատարակությանը հայտնել է թիմի աղբյուրը:

Շատ երկրպագուներ դժգոհ են ակումբի ղեկավարության որոշումից և պահանջում են վերադարձնել թալիսմանը։