ՏԵՍԱՆՅՈՒԹ. Թայվանում ուժեղ երկրաշարժեր են գրանցվել. զոհեր և վիրավորներ կան
Թայվանի արևելյան ափերի մոտ 7,5 և 6,6 մագնիտուդ ուժգնությամբ երկրաշարժեր են գրանցվել ապրիլի 3-ին. զոհվել է 4 մարդ, վիրավորվել՝ 97-ը: Այս մասին հայտնում են տեղական լրատվամիջոցները:
Հաղորդվում է, որ էլեկտրաէներգիայի անջատումներ և տների փլուզումներ են գրանցվել ամբողջ Թայվանում, տեղի բնակիչները նաև բողոքել են 5G կապի հետ կապված խնդիրներից:
Ստորգետնյա ցնցումներ են զգացվել նաև ճապոնական Օկինավա և Միյակո կղզիներում։ Ճապոնիայի ազգային օդերևութաբանական վարչությունը նախազգուշացրել է 3 մ բարձրությամբ ցունամիի սպառնալիքի մասին, երկրաշարժից հետո գրանցվել է ավելի քան 40 հետցնցում՝ մինչև 6,5 մագնիտուդով։
