Ուկրաինան սրում է միգրանտների դեմ լարվածությունը Ռուսաստանում. The Times

«Կրոկուսում» տեղի ունեցած ահաբեկչությունից հետո ուկրաինական գործակալները սկսել են «հոգեբանական արշավ» իրականացնել՝ խթանելով ընդդեմ ներգաղթյալների տրամադրություններ՝ նպատակ ունենալով ապակայունացնել ռուսական հասարակությունը: Այս մասին The Times-ի հետ զրույցում հայտարարել է Ապատեղեկատվության հակազդման ուկրաինական կենտրոնի ղեկավար Անդրեյ Կովալենկոն։

 Նրա խոսքով՝ «Կրոկուս»-ի վրա հարձակումը իբր պառակտում է առաջացրել Ռուսաստանում տարբեր ազգությունների ներկայացուցիչների միջև, որից Կիևը ցանկանում է օգտվել։

 Կովալենկոն այս իրավիճակը անվանել է «պարարտ հող» ռուս բնակչության միջև պառակտումն ու անվստահությունն օգտագործելու համար և ասել, որ ուկրաինական գործակալները փորձում են ռուսներին միմյանց դեմ հանել ռուսական թելեգրամային չաթերում։

 Ապատեղեկատվության հակազդման կենտրոնը գործում է Ուկրաինայի Ազգային անվտանգության և պաշտպանության խորհրդի ներքո, պարզաբանում է The Times-ը։