ՏԵՍԱՆՅՈՒԹ. Ինքնաշեն ռումբեր՝ թաքցված սրբապատկերների մեջ. ԱԴԾ-ն կասեցրել է վտանգավոր բեռի ներմուծումը ՌԴ
ՌԴ դաշնային անվտանգության ծառայության աշխատակիցները մաքսային ծառայողների հետ կասեցրել են սրբապատկերների և եկեղեցական պարագաների մեջ թաքնված 27 ինքնաշեն ռումբերի ներմուծումն Ուկրաինայից Ռուսաստան, հաղորդում է ria.ru-ն։
«Ընդհանուր առմամբ, Ուկրաինա - Ռումինիա - Հունգարիա - Սլովակիա - Լեհաստան - Լիտվա - Լատվիա - Ռուսաստան երթուղով անցած բեռում հայտնաբերվել է 27 ինքնաշեն պայթուցիկ սարք՝ թաքցված սրբապատկերների մեջ: Հայտնաբերվել է օգտագործման համար պատրաստ 70 կգ արդյունաբերական արտադրության բարձր հզորության պլաստիկ պայթուցիկ, 91 էլեկտրական պայթուցիչ»,- հայտնել են ԱԴԾ-ում։
Բեռը հայտնաբերվել է Լատվիայի հետ սահմանին գտնվող Պսկովի մարզի Ուբիլինկա ավտոմոբիլային անցակետում։ Հանցագործության մեջ ներգրավված հանցագործը կալանավորվել է։ Նրա խոսքով՝ պայթուցիկներով բեռը տեղափոխվում էր Մոսկվա։
