Մանրամասներ են հայտնի դարձել Իսպանիայում ռուս օդաչու Կուզմինովի սպանության մասին
Իսպանիայում՝ իր տան ավտոկայանատեղիում սպանվել է ռուս օդաչու Մաքսիմ Կուզմինովը, ով 2023թ. օգոստոսին Ուկրաինա էր առևանգել Մի-8 ուղղաթիռը, հանցագործության վայրում հայտնաբերվել են «Մակարով» ատրճանակի փամփուշտներ, գրում է РБК-ն՝ հղում անելով The New York Times-ին։
Պարբերականը հայտնում է, որ սպանության առավոտյան սպիտակ Hyundai Tucson մակնիշի ավտոմեքենան, որում եղել է 2 մարդ, ժամանել է բազմաբնակարան շենքի կայանատեղի, որտեղ բնակվում էր Կուզմինովը։ Նրանք մի քանի ժամ սպասել են ռուս նախկին օդաչուին։
Նա ավտոկայանատեղի է հասել ժամը 16:20-ի սահմաններում, իսկ երբ դուրս է եկել մեքենայից, նրա ուղղությամբ հանցագործները կրակ են բացել։ Նրան է կպել 6 փափուշտ, ինչից հետո փախուստի ամանակ կրակողները մեքենայով վրաերթի են ենթարկել նրան։
NYT-ի աղբյուրը հայտնել է, որ Կուզմինովը «անհամեստ կյանք» է վարել Իսպանիայում։ Օրինակ, նա հաճախ էր այցելում ռուսների ու ուկրաինացիների շրջանում հայտնի բարեր, վարում էր սև «Մերսեդես S-Class»:
