Ղազախստանի Ակտոբեում Սազդի գետը դուրս է եկել ափերից և հեղեղել քաղաքի մի մասը: Այս մասին հայտնում են տեղի լրատվամիջոցները:

Որոշ բնակիչներ կարողանում են ձեռքերով ձուկ որսալ հենց փողոցներից։ Ջրի տակ են անցել Սեյտովի, Մամետովայի փողոցները և Կերուեն Սիթի առևտրի կենտրոնին հարող տարածքը։ Ջրհեղեղի հետեւանքները վերացնելու ուղղությամբ աշխատում են ԱԻՆ մոտ 1000 աշխատակիցներ և 200 միավոր տեխնիկա։ Ղազախստանի Կոստանայի շրջանում ջրհեղեղի վտանգի պատճառով արտակարգ դրություն է մտցվել։ Փրկարարները տարհանել են 434 մարդու։