Ինչ մեղադրանք է առաջադրվել Նարեկ Սամսոնյանին․ փաստաբանը մանրամասնում է
Սամսոնյանին տեղափոխեցին Երևանի քննչական: Այս մասին իր ֆեյսբուքյան էջում գրել է փաստաբան Ռուբեն Մելիքյանը։
«Սամսոնյանին տեղափոխեցին Երևանի քննչական (Պարույր Սևակ փողոց): Նրան պատժում են «Իմնեմնիմի» փոդքաստով նիկոլին ԲՏ ասելու համար»,- գրել է նա։
Փաստաբան Ռուբեն Մելիքյանն ուղիղ եթերում հայտարարեց, որ Նարեկ Սամսոնյանին քիչ առաջ առաջադրվել է մեղադրանք։ Ըստ նրա՝ փաստացի մեղադրանք է առաջադրվել հայհոյանքներ հնչեցնելու համար։
«Սա քաղաքական հետապնդում է՝ վաղուց ապաքրեականցված ծանր վիրավորանքի հանցակազմը Երևան քաղաքի քննչական վարչությունը, փաստորեն, վերականգնեց»,-ասաց նա։
Մելիքյանի խոսքով՝ սա արվում է պարզ պատճառով, որպեսզի լռեցվի ընդդիմադիր խոսքը։
Ավելի վաղ հայտնել էինք, որ «Իմնեմնիմի» փոդքասթի համահեղինակ Վազգեն Սաղաթելյանը ևս ձերբակալվեց։
