Արաբական Միացյալ Էմիրությունները մարդասիրական օգնության առաջին խմբաքանակն ուղարկեց Գազայի հատված ծովային միջանցքով, որը կապում է Պաղեստինի անկլավը Կիպրոսի հետ։ Այս մասին հայտնում է Էմիրաթի արտաքին գործերի նախարարությունը։

Ինչպես նշում է վարչությունը, բեռնատար նավը, որը տեղափոխում էր 200 տոննա պարենամթերք և առաջին անհրաժեշտության ապրանքներ, Գազայի հատված է ժամանել Լառնակա նավահանգստից։ Ընդհանուր առմամբ, պաղեստինա-իսրայելական հակամարտության սրման ժամանակ ԱՄԷ-ն անկլավի բնակիչներին հասցրել է 21 հազար տոննա մարդասիրական օգնություն։

«Գազայի հատվածում աղետալի հումանիտար իրավիճակը պահանջում է բազմակողմ մոտեցում միջազգային համագործակցության միջոցով, որն անմիջապես կթեթևացնի դրա ազդեցությունը անմեղ խաղաղ բնակիչների վրա՝ ապահովելով օգնության արագ, անվտանգ և անխոչընդոտ հոսքը լայնածավալ և կայուն մասշտաբով», - ընդգծել է նախարարությունը։