ՏԵՍԱՆՅՈՒԹ. «Հանգստացեք։ Չափավորեք Ձեր խոսքը». լեզվակռիվ ԱԺ-ում
ԱԺ արտաքին հարաբերությունների մշտական հանձնաժողովում կրքերը թեժացան այն բանից հետո, երբ «Հայաստան» խմբակցության պատգամավոր Աննա Գրիգորյանն Արարատ Միրզոյանին մեղադրեց ադրբեջանական պատվեր կատարելու մեջ․
«Ես չընդհատեցի Ձեզ ԱԺ պատգամավորի ինստիտուտի նկատմամբ, նաև՝ սեռային հարգանքից ելնելով, բայց Դուք մի արտահայտություն արեցիք, որն անթույլատրելի է։ Դուք ասացիք՝ Ադրբեջանի պատվեր եք կատարում։ Ուրեմն, ուշադիր լսեք՝ Ադրբեջանի պատվերը Դուք եք կատարում՝ անձամբ, և Ադրբեջանին հովանավորող ուրիշ երկրի պատվեր»։
«Հանգստացեք։ Չափավորեք Ձեր խոսքը»,- եղավ Գրիգորյանի արձագանքը։
«Ես կրկնում եմ այն բառերը, որ Դուք ասացիք։ Դուք կատարում եք Ադրբեջանի պատվերը և այն երկրի պատվերը, որ հանձնարարում է Ադրբեջանին՝ ոնց անել»,- շարունակեց Միրզոյանը։
«Ինչո՞վ եմ անում»,- հարցրեց Գրիգորյանը։
«Ես Ձեզ կպատմեմ մի դրվագ, որ արդեն ասել եմ, այսօր էլ ասացի, որը մի քիչ մտածելու դեպքում ապացուցում է, որ այդ գիծը տանողը կատարում է էդ պատվերը»,- ասաց Միրզոյանը։
