Վաշինգտոնը չի տեսնում ԱՄՆ–ում նոր միջուկային փորձարկումների անհրաժեշտություն
ԱՄՆ–ն անիմաստ է համարում միջուկային փորձարկումների վերսկսումը, ինչպես նաև դեռ որոշում չկա ատոմային սպառազինության հնարավոր մեծացման մասին: Այս մասին Բրուկինգյան ինստիտուտում հայտնել է ԱՄՆ միջուկային անվտանգության հարցով ազգային վարչության(NNSA) ղեկավարի տեղակալ Ֆրենկ Ռոուզը:
«ԱՄՆ օրենքների համաձայն՝ մենք պետք է աջակցենք միջուկային զենքի փորձարկումներին պատրաստակամությունը միայն այն դեպքում, եթե նախագահը տա համապատասխան կարգադրություն: Սակայն, NNSA–ը կարծիք ունի, որ հաշվի առնելով զինանոցներում ներդրումները, մենք միջուկային փորձարկումների պրակտիկային վերադառնալու կարիք չունենք»,- ասել է նա։
Միևնույն ժամանակ նա նկատել է, որ ԱՄՆ վարչակազմը դեռ հստակ պատասխան չի տվել ամերիկյան միջուկային զինանոցը մեծացնելու հնարավորության վերաբերյալ, հարցը գտնվում է դիտարկման փուլում:
«Այսօր նշանակալի որոշումներ դեռևս չկան, որոնց մասին կարելի է հայտարարել»,– հստակեցրել է Ռոուզը:
Միևնույն ժամանակ նա մատնանշել է ԱՄՆ–ի մի շարք ոչ ճիշտ, իր կարծիքով, քայլեր, որոնք կատարվել են նախկինում, ինչպես օրինակ՝ պլուտոնիումի միջուկների արտադրության դադարեցումը` միջուկային լիցքի կենտրոնական մաս, որը ծառայում է որպես ապահովիչ՝ այն ակտիվացնելու համար։
