Դանիայում դիտարկում են պարտադիր զինծառայությունը տարածել նաև կանանց վրա

Դանիան նախատեսում է երկարացնել զինծառայության ժամկետը, ինչպես նաև պարտադիր զինվորական ծառայությունը տարածել նաև կանանց վրա։ Այս մասին գրում է Associated Press-ը՝ հղում անելով Դանիայի վարչապետ Մետե Ֆրեդերիկսենին և Դանիայի պաշտպանության նախարար Թրոելս Լունդ Պոուլսենին։ 

«Անհրաժեշտ է ունենալ հավաքագրման ավելի լայն բազա, որը կներառի բոլոր սեռերը», - ասել է Պոուլսենը:

Նշվում է, որ Դանիայում ներկայումս զինվորական ծառայության է անցնում 4,7 հազար մարդ, իշխանությունները մտադիր են այդ թիվը հասցնել առնվազն 5 հազարի։

Բացի այդ, Դանիան դիտարկում է ծառայության ժամկետի երկարացումը 4-ից մինչև 11 ամիս։