ԱՄՆ ռազմական օգնությունն Իսրայելին սկսել է «դանդաղել»
Իսրայելին ԱՄՆ ռազմական օգնության մատակարարումները դանդաղել են: Այս մասին հայտնել է Իսրայելի բարձրաստիճան պաշտոնյան ABC հեռուստաընկերությանը:
Նրա խոսքով, Իսրայելի և ՀԱՄԱՍ-ի միջև հակամարտության սկզբում ԱՄՆ-ն «շատ արագ» հասցրեց ռազմական օգնությունը, սակայն ժամանակի ընթացքում մատակարարումները դարձան «շատ դանդաղ»: Նա նշել է, որ դա ճնշում է Իսրայելի վրա, քանի որ երկիրը փորձում է հասնել Գազայի հատվածում ՀԱՄԱՍ–ի վերացմանը։
Պաշտոնյան չի նշել ձգձգումների պատճառները, սակայն նշել է, որ Իսրայելը տեղյակ է հակամարտությունից ԱՄՆ հիասթափության և Գազայի հատված մարդասիրական օգնություն հասցնելու հարցում իսրայելական կողմի անբավարար գործողությունների մասին։
Իսրայելի պաշտպանության բանակը հրաժարվել է մեկնաբանել տեղեկությունը:
