Ֆրանսիան փորձում են խաթարել ադրբեջանա-հայկական բանակցությունները. Մևլութ Չավուշօղլու

ՆԱՏՕ-ում թուրքական պատվիրակության ղեկավար, Թուրքիայի նախկին արտգործնախարար Մևլութ Չավուշօղլուն պատասխանելով APA-ի թղթակցի հարցին, որը վերաբերել է Հայաստան-Ադրբեջան հարաբերություններին ասել է, որ Եվրոպական որոշ երկրներ, հանձինս Ֆրանսիայի, փորձում են խաթարել ադրբեջանա-հայկական բանակցությունները։

Ըստ Չավուշօղլուի՝ Ադրբեջանը անկեղծություն է ցուցաբերել խաղաղության հասնելու հարցում։ Նրա խոսքով՝ Հայաստանն էլ մոտ կլինի Ադրբեջանի հետ խաղաղության համաձայնագրի ստորագրմանը, եթե «արտաքին ճնշում չլինի»։ «Թուրքիան շարունակում է կարգավորման գործընթացը՝ համաձայնեցնելով Ադրբեջանի հետ: Ադրբեջանի և Հայաստանի միջև յուրաքանչյուր դրական քայլ իր դրական ազդեցությունն է ունենալու Թուրքիայի և Հայաստանի միջև գործընթացում», - ասել է թուրք դիվանագետը՝ շարունակելով․ - «Տարածաշրջանում, իհարկե, կարևոր է նաև Վրաստանը։ Բայց այս գործընթացները կարևոր են ոչ միայն տարածաշրջանի համար։ Միջին միջանցքի արդիականացումը, էներգետիկ հաղորդակցության կարողությունների ավելացումը կենսական նշանակություն ունեն Եվրոպայի և Ասիայի համար»։