Վիքիպեդիայից 2015-ի նկար են գողացել և Ավինյանին ուղիղ եթերում համոզում են, որ սա 2024 թվականի նկար է. Գրիգոր Երիցյան

Վիքիպեդիայից 2015-ի նկար են գողացել և Ավինյանին ուղիղ եթերում համոզում են, որ սա 2024 թվականի նկար է, Ալեք Մանուկյան փողոցի ծառերը ահավոր վիճակում են, պետք է օր առաջ փոխարինվեն մեր քաղաքին հարիր թանկարժեք ծառերով։

Այս մասին ֆեյսբուքյան իր էջում գրել է Երևանի ավագանու «Ազգային առաջընթաց» խմբակցության անդամ Գրիգոր Երիցյանը:

 «Կանաչապատում և շրջակա միջավայրի պահպանություն» ՀՈԱԿ-ից դեռ չե՞ն հայտնել, որ սա իրականում Ալեք Մանուկյան փողոցը չէ, նկարում ծառեր չեն, Ռադիոտան շենքը չէ, ներկայացնողն էլ Բեգոյանի կլոնն է։

Հենց այսպես է ոչնչացվում քաղաքի կանաչ ֆոնդը՝ ծառերի փոխարինման ծրագրի անվան տակ։