Պետությունը կօգնի, որ ՀՀ–ում հաստատվել ցանկացող արցախցիները տուն ունենան. ՀՀ փոխվարչապետ
Պետությունը կօգնի, որ Հայաստանում հաստատվել ցանկացող արցախցիները տուն ունենան։ Այս մասին Հանրային հեռուստաընկերության եթերում Պետրոս Ղազարյանի հետ հարցազրույցի ժամանակ ասաց ՀՀ փոխվարչապետ Տիգրան Խաչատրյանը։
«Եթե ընտանիքի անդամները որոշել են դառնալ ՀՀ քաղաքացի, մենք կաջակցենք, որ ընտանիքի յուրաքանչյուր անձի համար հասանելի լինի որոշակի ֆիքսված ֆինանսական միջոց տուն կամ բնակարան կառուցելու համար, որը այնտեղ 10 տարի բնակվելուց հետո սեփականության իրավունքով կհանձնվի ընտանիքին։
Եթե պատրաստ են 10 տարի բնակվել այդ բնակարանում, որ կառավարության ֆինանսական աջակցությամբ կտրամադրվի իրենց, ապա, մենք սեփականության իրավունքը իրենց փոխանցելու հնարավորություն կտանք։
Դրանից հետո իրենք կորոշեն, դա վաճառեն և ավելի լավ բնակարան ձեռք բերեն»,- ասել է նա։
