Հայաստանի Հանրապետության դեմ հիբրիդային պատերազմն ընթանում է շատ վաղուց, շատ ինտենսիվ և շատ բացահայտ կերպով։ Այս մասին ասաց ՀՀ Ազգային ժողովի նախագահ Ալեն Սիմոնյանը լրագրողների հետ զրույցի ընթացքում:

«Երբ ռուսական քարոզիչներ, ցավոք, հաճախ հայկական աղավաղված ազգանուններով ՀՀ-ում միտինգներ և երթեր են անոնսում և դրանց մասին խոսում, ուստի հիբրիդային պատերազմի մասին խոսելը արդեն մովետոն է, որովհետև դա արդեն ապացուցված փաստ է»,- նշեց ԱԺ նախագահը: