ՏԵՍԱՆՅՈՒԹ. Պուտինը հայտնել է, թե որն է Ռուսաստանի ապագայի բանալին
Ռուսաստանի ապագայի բանալին այն է, որ երիտասարդ սերունդն ունենա հուսալի ուղեցույցներ, այդ թվում՝ ավանդական արժեքներ։ Համապատասխան հայտարարությունն արել է ՌԴ նախագահ Վլադիմիր Պուտինը Գիտելիքների հասարակության մրցանակաբաշխության մասնակիցներին ուղղված տեսաուղերձում։
«Երկրի ապագայի, նրա զարգացման շարունակականության բանալին այն է, որ երիտասարդներն ունենան կյանքի հուսալի ուղեցույցներ, որպեսզի նրանք համարեն մեր ավանդական արժեքները իսկապես իրենցը և դասեր քաղեն ներքին և համաշխարհային մշակույթի լավագույն օրինակներից՝ գրականություն, գիտության և կրթության նվաճումներ»,- ասել է պետության ղեկավարը։
Բացի այդ, ընդգծել է նախագահը, երիտասարդները պետք է իմանան Ռուսաստանի պատմությունը, իսկական հերոսների ու ստեղծագործողների անունները, քանի որ հենց դա է մեր երկրի ազգային ինքնության հիմքը։
Ի դեպ, ավելի վաղ Պուտինը, ելույթ ունենալով «Ուժեղ գաղափարներ նոր ժամանակների համար» ֆորումում, ասել էր, որ Ռուսաստանը հանդուրժող է ոչ ավանդական սեռական կողմնորոշմամբ մարդկանց նկատմամբ։ Այդ մարդկանց ոչ ոք չի սահմանափակում, գլխավորն այն է, որ նրանք երեխաներին ձեռք չտան, ընդգծել էր ՌԴ նախագահը։
