Հազարավոր մարդիկ հավաքվել են Իսրայելի պաշտպանության բանակի՝ ՑԱԽԱԼ-ի շտաբի մոտ, հայտնում է The Times of Israel-ը։

Թել Ավիվում եւ Իսրայելի այլ խոշոր քաղաքներում հակակառավարական ցույցեր են: Անվտանգության ուժերը ջրցան մեքենաներ են կիրառել ցույցի մասնակիցների դեմ։

Բացի վարչապետ Նեթանյահուի հրաժարականից, ցուցարարները պահանջում են ազատ արձակել ՀԱՄԱՍ-ի մոտ գտնվող պատանդներին և դիվանագիտական լուծում տալ պաղեստինա-իսրայելական հակամարտությանը:

Թել Ավիվի Կապլան փողոցում ցույցի ժամանակ ոստիկանության հրահանգներին չենթարկվելու համար բերման է ենթարկվել 18 մարդ: