Պայմանավորվածություններին փաստաթղթային արձանագրում պիտի տրվեն. Կոստանյան

Ընթանում են քննարկումներ՝ նախարարների ղեկավարած պատվիրակությունների միջև խաղաղության պայմանագրի տեքստի շուրջ հանդիպման վերաբերյալ։ Այս մասին հայտարարել է Հայաստանի ԱԳ փոխնախարար Վահան Կոստանյանը՝ նշելով, սակայն, որ դեռևս որոշում չկա։

Անդրադառնալով խաղաղության գործընթացին խանգարող հանգամանքներին՝ Կոստանյանն ասել է. «Չեմ կարող գնահատական տալ, թե ինչն է ադրբեջանական կողմին խանգարում, բայց կարող եմ վերահաստատել, որ հայկական կողմը շահագրգռված է և շարունակում է պատրաստակամ մնալ կարգավորել հարաբերություններն Ադրբեջանի հետ»։

Հարցին՝ ադրբեջանական կողմի մոտ կա՞ շահագրգռություն, նա նշել է. «Փաստը, որ հանդիպում տեղի ունեցավ Մյունխենում, կարելի է դրական համարել։ Բայց մեզ անհրաժեշտ է հանդիպումներից ու քննարկումներից ի վերջո անցնել ավելի պրակտիկ գործողւթյունների։ Պայմանավորվածություններին, որ վերջին 2-3 տարում ձեռք են բերվել երեք սկզբունքի շուրջ, փաստաթղթային արձանագրում պիտի տրվեն»։