Այս հարցը պետք է տալ ռուսական կողմին․ ՀՀ-ում ԵՄ առաքելության ղեկավար
Ի սկզբանե մենք չէինք բացառում, որ կարող են խնդիրներ լինել Ներքին Հանդ մտնելու հետ կապված։ Այս մասին Երևանում տեղի ունեցած մամուլի ասուլիսի ընթացքում ասաց Հայաստանում ԵՄ առաքելության ղեկավար Մարկուս Ռիտերը։
Պատասխանելով հարցին, թե որն է ԵՄ դիտորդների Ներքին Հանդ չթողնելու հիմնավորումը նա նշել է. «Այս հարցն էլ պետք է տալ ռուսական կողմին։ Մենք Հայաստանում հյուրի կարգավիճակում ենք գտնվում՝ որպես ընդունող կողմ։ Այդ հարցով պետք է Հայաստանը զբաղվի, որովհետև մենք չենք շփվում Հայաստանում տեղաբաշխված ռուս խաղաղապահ ուժերի հետ»։
Նրա խոսքով՝ նման խնդիր առաջացել է միայն Ներքին Հանդում։
Ավելի վաղ լրագրողների հետ զրույցում ԱԽ քարտուղար Արմեն Գրիգորյանը՝ խոսելով Ներքին Հանդում վերջին միջադեպի մասին, նշել էր ԵՄ առաքելությունն այդ հատվածում չունի հասանելիություն, այնտեղ միայն ՌԴ-ն է ներկա։
