ԵՄ-ն երկարաձգել է հակառուսական պատժամիջոցները
Եվրամիությունը երկարաձգել է հակառուսական պատժամիջոցները մինչև 2025 թվականի փետրվարի 24-ը։ ԵՄ խորհրդի համապատասխան բանաձևը հրապարակվել է Եվրոպական միության պաշտոնական ամսագրում։
«Որոշումը (սահմանափակող միջոցները երկարաձգելու մասին) կգործի մինչև 2025 թվականի փետրվարի 24-ը», - ասվում է որոշման մեջ։
Խոսքը պատժամիջոցների մասին է, որոնք սահմանվել են ինքնահռչակ Դոնեցկի և Լուգանսկի ժողովրդական հանրապետությունների, ինչպես նաև Խերսոնի և Զապորոժիեի շրջանների՝ Ռուսաստանի Դաշնության կազմ մտնելու առնչությամբ:
Նշվում է, որ որոշումն ուժի մեջ է մտնում հրապարակման հաջորդ օրը։
