Վաշինգտոնը շարունակելու է Երևանին ու Բաքվին մերձեցնելու փորձերը

Վաշինգտոնը կշարունակի Երևանին ու Բաքվին մերձեցնելու փորձերը։ Այս մասին ճեպազրույցի ժամանակ այս հայտարարությունն է արել ԱՄՆ պետքարտուղարի օգնական Ջեյմս Օ'Բրայենը՝ մեկնաբանելով հայ-ադրբեջանական սահմանին տեղի ունեցած վերջին միջադեպը։

«Կարծում եմ` ներկայիս լարվածությունը պարզապես մատնանշում է դիվանագիտության կարևորությունը, բայց ես չեմ ուզում շահարկել վերջին շրջանի որևէ կոնկրետ գործողություն, ուստի մենք պարզապես կշարունակենք կողմերին մերձեցնելու փորձերի ճանապարհը»,- ասել է նա։