ՏԵՍԱՆՅՈՒԹ. Տյումենում ադրբեջանցիների հանցախումբը ծեծի է ենթարկել անցորդներին. ԶԼՄ

Ադրբեջանցիների հերթական հանցախումբը տեսախցիկի առջեւ ծեծի է ենթարկել անցորդներին, այս անգամ Տյումենում: Այս մասին գրում է Инфотека24-ը:

«Ավելի վաղ հաղորդվել էր Սանկտ Պետերբուրգում ադրբեջանական ավազակախմբերի մասին»,– գրել է լրատվամիջոցը թելեգրամյան ալիքում։

РИА Новости–ի հաղորդմամբ՝ Տյումենում դեռահասների վրա հարձակման մասին տեղեկությունների հիման վրա քրեական գործ է հարուցվել՝ կասկածյալ են դարձել 15 և 17 տարեկան երեք երիտասարդներ:

Քննիչների տվյալներով՝ այս տարվա հունվարի 19-ին և 20-ին Տյումենի հասարակական վայրերում երեք դեռահաս ծեծի են ենթարկել ևս երկու երիտասարդի։ Ավելի վաղ այս մասին տեղեկությունը՝ ծեծի տեսագրությամբ, հրապարակել էին տեղի հանրային էջերը։ Հաղորդվել է նաև, որ ոստիկանությունը պարզել է հարձակվողների ինքնությունը. երկուսը սովորում են նույն դպրոցում, ինչ տուժողներից մեկը։