Բաքվում ԵՄ դեսպանին կանչել են ԱԳՆ. պատճառը Հայաստանում ԵՄ դիտորդական առաքելության գործունեությունն է
Բաքվում ԵՄ դեսպանին կանչել են ԱԳՆ: Այս մասին տեղեկանում ենք ՏԱՍՍ-ից։
Պետեր Միխալկոյին Ադրբեջանի ԱԳՆ–ում տեղեկացրել են, որ Հայաստանում ԵՄ դիտորդական առաքելության գործունեությունը հակասում է ձեռք բերված նախնական պայմանավորվածություններին և լուրջ մտահոգություն է առաջացնում:
«Այդ առաքելությունը, հակառակ իր հայտարարած նպատակներին, ինչպիսիք են տարածաշրջանային կայունության խթանումը և Ադրբեջանի ու Հայաստանի միջև վստահության ստեղծումը, լայնորեն օգտագործվում է որպես հակաադրբեջանական քարոզչության գործիք»,- ասվում է ԱԳՆ հայտարարության մեջ։
